Crónica manifestación aniversariu CSOA La Reflexón

El 11 de xunetu cumplíase un añu dende que fuera ocupada la fábrica de FLEX qu’acueyería’l CSOA “La ReFLEXón”, desagospiáu fae unes selmanes pola Policía. Pa facer alcordanza d’esti aniversariu y reivindicar la ocupación, l’asamblea del centru social “nel exiliu” convocó una manifestación qu’arrancaba de L’Humedal a les 7 de la tardi. Mediu centenar de persones participó na convocatoria y, tres d’una pancarta na que se lleía “1 añu de Reflexón”, entamaron el recorríu camín de la Plaza Mayor. A lo llargu’l trayeutu amenizóse la calurosa tarde a los curiosos y turistes que per ellí andaben colos glayíos de “un desalojo, otra okupación”, “tamos de más, por nun especular” y “lo criminal ye especular”. Pa finar, al aportar a les puertes del Ayuntamiento lleóse un comunicáu pa poner fin al actu. Por embargu equí nun finó la xornada reivindicativa.

Daqué dempués de que finara la manifestación, na Cai Los Moros, en tola zona comercial del centru de Xixón, delles persones ocuparon de mou simbólicu un edificiu abandonáu. Los activistes tuvieron ellí delles hores, escolingando pancartes n’alcordanza de “La ReFLExón”y en sofitu a la ocupación d’inmuebles ensin usu.

Convocatoria manifestación aniversariu CSOA La Reflexón.

AsturiesLlibertaria