[11-Julio] Manifestación aniversariu CSOA La ReFLEXón

El 11 de Xunetu de 2008 un grupu de mozos y moces recuperaben pa su usu social l’antiguu edificiu de la Fábrica de FLEX nel barriu de La Calzada en Xixón. Dende aquella fecha, y hasta’l fatídicu 5 de Xunu nel qu’una xueza decidió que l’edificiu tenía que volver a les manes del su dueñu “llegal” pal su “usu y disfrute”, esto ye, volver a cerralu pa poder especular bien con él, desarrolláronse nel antiguu edificiu de la FLEX, rebautizáu como Centru Social Okupáu y Autoxestionáu La ReFLEXón, cantidá de talleres, charres, comedores veganos, folixes, conciertos, una pista de skate, una tienda de gratuidá…

Pero les idees nun se pueden desaloxar, y el CSOA La ReFLEXón nel exiliu sigue vivu. Ye por ello que vos convidamos a cellebrar con nós l’aniversariu de dichu proyectu, animándovos a participar con nós na manifestación que va tener llugar el prósimu sábadu, día 11, a partir de les 19 hores na Plaza l’Humedal de Xixón.

¡Nun faltéis a la cita!

Flextricia.net