.JPG)
[AST]
La Casa das Atochas yera un llocal abandonáu del barriu de Montealto n’A Coruña. Yera, porque fai casi dos años un grupu de coruñeses decidió finar con un situación ensin xacíu que solo ye posible nel capitalismu: qu’haiga llocales abandonaos mientres hai xente que los necesita. Asina nació’l Centru Social Okupáu Autoxestionáu “Casa das Atochas”, como un llugar d’alcuentru, de coordinación, d’espardimientu cultural, de gayola, de conspiración a la fin. De conspiración porque too lo que salga del trabaya-merca, ye conspirar a la escontra d’eso que mos dicen que ye tan bayurosu, tan acuruxante, tan sólidu, y que por nun citar banqueros, políticos, Policía, inmobiliaries, etc. simplificamos en “el sistema”.
Como taba vistu, esi ente tan bayurosu, tan acuruxante y tan sólidu reacciona, nun pue dexar qu’un grupu de trabayadores, estudiantes, paraos y vecinos plante-y cara d’una mena tan clara, entamando asamblees ensin qu’él lo quiera, faciendo obres de teatru, ciclos de cine, siendo puntu d’aconceyamientu de coleutivos sociales de la ciudá…. Asina que dempués d’estos casi dos años de vivir l’autoxestión, de coyer la vida pelos cuernos y de facer frenti a l’aburrimientu, llega “el sistema”, tan bayurosu, tan acuruxante, y tan sólidu, y nagua porque’l espaciu onde agora ta la Casa das Atochas torne a ser un llugar murniu, abandonáu y solitariu, ye dicir, un llugar amedranáu, un llugar más de cualesquier de les nueses ciudaes.
A los asturianos y enforma a los xixoneses esta historia suénanos. Malpenes pasó mediu añu dende’l desaloxu del CSOA La Reflexón, un llugar con unes idegues y propuestes asemeyaes a les de los nuesos collacios coruñeses, y ye que la solidaridá y la rebelión nun entienden de distancies. Gracies a ello sabemos lo que ye entrar nun espaciu mugorientu y rehabilitalu, sabemos lo que ye entamar un proyeutu lliteralmente dende los cimientos, entá recordamos la sensación de sentinos llibres dafechu per unes hores, el llegar a esi llugar y podar facer daqué ensin pedir permisos a nengún xefe, ensin burocracies, ensin instancies, namás que conspirando col to compañeru de clase, de trabayu, de portal o de cerveces. Cine, poesía, teatru, música… too valía, coses qu’enxamás mos interesaren empecipiaron a facelo solo pol fechu de facelo nós mesmos.
Y ye qu’ehí ta la clave y neso esbíllase too. Nel momentu que mos damos cuenta de que lo que organizamos nós mesmos n’asamblea, d’igual a igual, furrula meyor y fina col aburrimientu que mos vende l’espectáculu, eso que nomamos “el sistema” dexa de ser tan bayurosu, acuruxante y sólidu. Y nel momentu que s’avera cada vegada más y más xente a los Centros Sociales eso que llamamos “autoxestión” entama a ser más bayurosa, más acuruxante y más sólida. ¿Cómo vamos a culpa-yos d’intentar desaloxanos? ¡Les sos poltrones y los sos millones tán en xuegu! Eso sí, que tampoco ellos mos culpen de defendenos.
La conspiración ya echó a andar.
Adiante das Atochas.
Inaciu Mel.la / AsturiesLLibertaria
Vídeos y semeyes de la manifestación sofitando la Casa das Atochas
Web del CSOA Casa das Atochas
Web Galiza Libertaria
La Casa das Atochas yera un llocal abandonáu del barriu de Montealto n’A Coruña. Yera, porque fai casi dos años un grupu de coruñeses decidió finar con un situación ensin xacíu que solo ye posible nel capitalismu: qu’haiga llocales abandonaos mientres hai xente que los necesita. Asina nació’l Centru Social Okupáu Autoxestionáu “Casa das Atochas”, como un llugar d’alcuentru, de coordinación, d’espardimientu cultural, de gayola, de conspiración a la fin. De conspiración porque too lo que salga del trabaya-merca, ye conspirar a la escontra d’eso que mos dicen que ye tan bayurosu, tan acuruxante, tan sólidu, y que por nun citar banqueros, políticos, Policía, inmobiliaries, etc. simplificamos en “el sistema”.
Como taba vistu, esi ente tan bayurosu, tan acuruxante y tan sólidu reacciona, nun pue dexar qu’un grupu de trabayadores, estudiantes, paraos y vecinos plante-y cara d’una mena tan clara, entamando asamblees ensin qu’él lo quiera, faciendo obres de teatru, ciclos de cine, siendo puntu d’aconceyamientu de coleutivos sociales de la ciudá…. Asina que dempués d’estos casi dos años de vivir l’autoxestión, de coyer la vida pelos cuernos y de facer frenti a l’aburrimientu, llega “el sistema”, tan bayurosu, tan acuruxante, y tan sólidu, y nagua porque’l espaciu onde agora ta la Casa das Atochas torne a ser un llugar murniu, abandonáu y solitariu, ye dicir, un llugar amedranáu, un llugar más de cualesquier de les nueses ciudaes.
A los asturianos y enforma a los xixoneses esta historia suénanos. Malpenes pasó mediu añu dende’l desaloxu del CSOA La Reflexón, un llugar con unes idegues y propuestes asemeyaes a les de los nuesos collacios coruñeses, y ye que la solidaridá y la rebelión nun entienden de distancies. Gracies a ello sabemos lo que ye entrar nun espaciu mugorientu y rehabilitalu, sabemos lo que ye entamar un proyeutu lliteralmente dende los cimientos, entá recordamos la sensación de sentinos llibres dafechu per unes hores, el llegar a esi llugar y podar facer daqué ensin pedir permisos a nengún xefe, ensin burocracies, ensin instancies, namás que conspirando col to compañeru de clase, de trabayu, de portal o de cerveces. Cine, poesía, teatru, música… too valía, coses qu’enxamás mos interesaren empecipiaron a facelo solo pol fechu de facelo nós mesmos.
Y ye qu’ehí ta la clave y neso esbíllase too. Nel momentu que mos damos cuenta de que lo que organizamos nós mesmos n’asamblea, d’igual a igual, furrula meyor y fina col aburrimientu que mos vende l’espectáculu, eso que nomamos “el sistema” dexa de ser tan bayurosu, acuruxante y sólidu. Y nel momentu que s’avera cada vegada más y más xente a los Centros Sociales eso que llamamos “autoxestión” entama a ser más bayurosa, más acuruxante y más sólida. ¿Cómo vamos a culpa-yos d’intentar desaloxanos? ¡Les sos poltrones y los sos millones tán en xuegu! Eso sí, que tampoco ellos mos culpen de defendenos.
La conspiración ya echó a andar.
Adiante das Atochas.
Inaciu Mel.la / AsturiesLLibertaria
Vídeos y semeyes de la manifestación sofitando la Casa das Atochas
Web del CSOA Casa das Atochas
Web Galiza Libertaria
No hay comentarios:
Publicar un comentario