miércoles, 23 de diciembre de 2009

Web del colectivu Refugaya

Con esta nota queremos dar anuncia de la puesta en marcha de la web del Colectivu Refugaya, grupu que vien trabayando nel ámbetu asturianu dende va unos meses al traviés de l'autonomía, l'autoorganización asamblearia y l'aición direuta nel camín de frayar el sistema capitalista y d'algamar una sociedá llibre ensin clases.

Nun mos enfotamos en ser nenguna organización definitiva, tampoco naguamos representar a naide, nin muncho menos nun queremos ser un nome más nos carteles de les manifestaciones. Precisamente, xunímonos y damos un pasu p'alantre por esto, por tar cansaes de la "rutina revolucionaria" y de la falta d'autocrítica na izquierda asturiana.

Somos la refugaya, somos les que sobramos, somos los restos d'esta sociedá, los "subproductos".

Nesta web, que vien ser el complementu d'un boletín que s'editará nes prósimes selmanes, podrán alcontrase noticies, analís propios y ayenos, campañes, materiales diversos... pretendiendo espeyar la llucha de toles que trabayen nel camín de la emancipación total.

http://www.refugaya.net/
larefugaya@gmail.com

Asturies, avientu 2009.

Colectivu Refugaya

No hay comentarios: